‘ආටිමිස් 2’ මෙහෙයුම ආරම්භ වූ පළමු දිනයේම ගගනගාමීන්ට අසීරු තත්ත්වයකට මුහුණ දීමට සිදු විය. එයට හේතුව වූයේ ඔරායන් (Orion) යානයේ වැසිකිළි පද්ධතිය නිසි ලෙස ක්රියා නොකිරීමයි. මේ නිසා ඔවුන්ට පැය කිහිපයක් තිස්සේ වැසිකිළිය භාවිතා කිරීමට නොහැකිව අසරණ තත්ත්වයකට පත් වීමට සිදුවිය.
පෘථිවියේදී මෙවැනි දෝෂයක් සුළු ගැටලුවක් ලෙස පෙනෙන්නට පුළුවන. නමුත් අභ්යවකාශයේදී එය ඉතාමත් වැදගත් තාක්ෂණික අභියෝගයක් බවට පත්වෙයි. ඔරායන් යානයේ වැසිකිළි පද්ධතිය “Universal Waste Management System (UWMS)” ලෙස හැඳින්වේ.
ගුරුත්වාකර්ෂණය නොමැති පරිසරයක මෙම පද්ධතිය ක්රියාත්මක වන්නේ වායු ප්රවාහය මත පදනම්වය. එහිදී ද්රව හා ඝන අපද්රව්ය ශරීරයෙන් ඉවතට ඇදගැනීම සඳහා ද්විත්ව පංකා සහ මධ්යගත පාලන පද්ධතියක් භාවිතා කරයි.
මෙහිදී මුත්ර වෙනම නාලිකාවකින් යානයෙන් පිටතට නිකුත් කරයි. මළපහ නම් වෙනම බදුනක ගබඩා කර පසුව පෘථිවියට ආපසු රැගෙන එනු ලබයි.
මෙම ගැටලුව හඳුනාගැනීම සිදු වූයේ යානය පෘථිවි කක්ෂයේ රැඳී සිටින අතරතුරය. සඳ වෙත ගමන ආරම්භ කිරීමට පෙර, වැසිකිළි පද්ධතියේ දෝෂයක් පෙන්නුම් කරමින් විදුලි දර්ශකයක් නැවත නැවත දැල්වීම සහ නිවීම ආරම්භ විය. පසුව හෙළිවූයේ මුත්ර එකතු කිරීමේ කොටසට අදාළ වායු ප්රවාහය නිසි ලෙස ක්රියා නොකිරීමයි.
මෙයට හේතුව ලෙස පංකා අක්රිය වීමක් ඇති බව ගගනගාමී ක්රිස්ටිනා කොක් පෘථිවියේ පාලන මධ්යස්ථානය සමඟ කළ සම්බන්ධතා මඟින් අවබෝධ කර ගත්තාය.
අඩු ගුරුත්වයේදී වායු ප්රවාහය නොමැතිව වැසිකිළිය භාවිතා කිරීම ප්රායෝගිකව කළ නොහැකි බැවින්, මෙම දෝෂය ඉතා ඉක්මනින් නිවැරදි කිරීම අත්යවශ්ය විය. අවසානයේ, පෘථිවිය සමඟ අඛණ්ඩ සම්බන්ධතාවයකින් යුතුව ගැටලුව විසඳීමට සමත් වූයේ කොක්ය. එතෙක්, ගගනගාමීන්ට වැසිකිළිය භාවිතා කිරීමෙන් වැළකී සිටීමට සිදු විය.
