රත්නපුර දිස්ත්රික්කයේ හිටපු පාර්ලිමේන්තු මන්ත්රී ප්රේමලාල් ජයසේකර, ‘චොකා මල්ලි’ ලෙස හඳුන්වනු ලබන ඔහු, නුවරඑළිය ප්රදේශයේදී බලපත්ර රහිත පිස්තෝලයක් සමඟ නුවරඑළිය පොලීසියේ අපරාධ විමර්ශන අංශය විසින් අත්අඩංගුවට ගෙන ඇත.
ඔහු පවුලේ ඥාතීන් සමඟ නුවරඑළියට පැමිණ සිටියදී, අවිස්සාවේල්ලෙන් සංචාරයක් සඳහා පැමිණි පිරිසක් සමඟ වාදයකට ලක්ව ඇති බව සඳහන් වේ. එම අවස්ථාවේදී ඔහු තම අතේ තිබූ පිස්තෝලය පෙන්වා එම පිරිසට තර්ජනය කළ බවට පොලීසියට පැමිණිල්ලක් ලැබී ඇත.
ඒ අනුව, නුවරඑළිය පොලීසියේ අපරාධ විමර්ශන අංශයේ ස්ථානාධිපති ප්රධාන පොලිස් පරීක්ෂක රවීන්ද්ර ප්රේමලාල් මහතා ඇතුළු නිලධාරීන් කණ්ඩායමක් විසින් ඔහු සැකපිට අත්අඩංගුවට ගෙන තිබේ.
අත්අඩංගුවට ගත් පිස්තෝලය සඳහා ආරක්ෂක අමාත්යාංශයෙන් නිකුත් කළ බලපත්රය 2025 වසරෙන් කල් ඉකුත් වී ඇති බවත්, සැකකරු නුවරඑළිය මහෙස්ත්රාත් අධිකරණයට ඉදිරිපත් කිරීමට නියමිත බවත් පොලීසිය පැවසීය.
