ගාල්ල පොලිස් වසමට අයත් වැලිවත්ත ප්රදේශයක නිවසක පුද්ගලයෙකු සැකකටයුතු ලෙස මියගොස් ඇති බව ගාල්ල පොලිසිය පවසයි.
මෙම පුද්ගලයා වයස අවුරුදු 48ක් වන අතර, එම ප්රදේශයේ පදිංචිව සිටි අයෙකි.
පොලිසිය සිදු කළ මුල් විමර්ශන අනුව, ඔහු පසුගිය 04 වැනිදා රාත්රී කාලයේ අධික මත්පැන් පානයෙන් නිවසට පැමිණ තිබේ. එම අවස්ථාවේදී ඔහුගේ හිසේ තුවාලයක් දක්නට ලැබුණ අතර, ප්රතිකාර ලබා ගැනීම වෙනුවට ඔහු නිදහස්ව නින්දට ගොස් ඇති බව වාර්තා වේ.
ඊළඟ දින (05) ඔහු අවදි නොවීම හේතුවෙන් නිවෙස් වැසියන් විසින් සොයා බැලූ විට ඔහු මියගොස් ඇති බව සොයාගෙන වහාම ගාල්ල පොලිසිය දැනුවත් කරන ලදි.
මරණයට හේතුව තවමත් නිශ්චිතව නොතීරණය වී ඇති අතර, හිසේ තිබූ තුවාලය වැටීමකින්ද, ප්රහාරයකින්ද සිදුවී ඇතිද යන්න පිළිබඳව පොලිසිය පරීක්ෂණය කරන බව සඳහන් කරයි.
පශ්චාත් මරණ පරීක්ෂණය සඳහා මෘත ශරීරය ගාල්ල කරාපිටිය ශික්ෂණ රෝහලේ මෘත ශරීරාගාරයට තැන්පත් කර ඇති අතර, ගාල්ල පොලිසිය සිද්ධිය සම්බන්ධයෙන් වැඩිදුර විමර්ශන කරමින් සිටී.
