රනෝරාව ප්රදේශයේ ජනශූන්ය ස්ථානයකින් හඳුනාගත නොහැකි කාන්තාවකගේ දැවී ගිය මළ සිරුරක් සොයාගත් බව නොච්චියාගම පොලිසිය සඳහන් කරයි.
ප්රදේශවාසියෙකු ලබාදුන් තොරතුරක් අනුව, කැලෑවකට ආසන්නව ගිනිගොඩක මිනිස් සිරුරක් දැවෙමින් පවතින බවට පොලිසියට දැනුම් දී තිබුණි. ඒ අනුව එම ස්ථානයට පැමිණි පොලිස් නිලධාරින් විසින් මෙම කාන්තාවගේ මළ සිරුර සොයාගෙන ඇත.
මළ සිරුර හඳුනාගත නොහැකි තරම් දැවී ඇති අතර, කාන්තාව වෙනත් ප්රදේශයකදී ඝාතනය කර මෙහිදී මළ සිරුර පුළුස්සා දමා ඇති බවට පොලිසිය සැක පළ කරයි.
