මීගොඩ මංසන්ධිය ආසන්නයේ පැවති වෙසක් දන්සලක් අසල රැස්ව සිටි පිරිසක් අතරට කැබ් රථයක් කඩා වැදීමෙන් සිදුවූ දරුණු රිය අනතුරකින් පුද්ගලයින් හය දෙනෙකු ජීවිතක්ෂයට පත්ව ඇති බව පොලිසිය පවසයි.
මියගිය පිරිස අතර පිරිමි පුද්ගලයින් තිදෙනෙකු සහ කාන්තාවන් තිදෙනෙකු සිටින බව වාර්තා වේ. අනතුරින් තුවාල ලබා රෝහල්ගත කරනු ලැබූ පිරිස අතරින් මෙම මරණ වාර්තා වී ඇති බවද පොලිසිය සඳහන් කළේය.
වාර්තා වන ආකාරයට කැබ් රථය හදිසියේම දන්සල අසල රැඳී සිටි ජනතාව අතරට ධාවනය වී ඇති අතර, එහි ප්රතිඵලයක් ලෙස පුද්ගලයින් රැසකට තුවාල සිදුව තිබේ. කෙසේ වෙතත්, අනතුරට හේතු වූ නිශ්චිත කරුණු මෙතෙක් අනාවරණය වී නොමැති බව වාර්තා වේ.
සිද්ධියට සම්බන්ධ කැබ් රථයේ රියදුරු පොලිස් අත්අඩංගුවට ගෙන ඇති අතර, අනතුර සම්බන්ධයෙන් පුළුල් විමර්ශනයක් මේ වන විට ආරම්භ කර ඇත. ජීවිතක්ෂයට පත්වූවන්ගේ අනන්යතාවයන් මෙතෙක් නිල වශයෙන් ප්රකාශයට පත් කර නොමැති අතර, රෝහල්ගතව ප්රතිකාර ලබන තුවාලකරුවන්ගේ නිශ්චිත සංඛ්යාව ද තහවුරු කර නොමැති බව පොලිසිය වැඩිදුරටත් සඳහන් කළේය.
